2021年11月23日 ![]()
![]()
![]()
![]()
![]()
![]()
各位家長都知道，親子時間對小朋友嘅重要性，所以無論工作幾忙，放假有幾攰都好，都會抽時間同小朋友玩活動，或者帶佢地去唔同嘅地方。但係你又知唔知缺乏父母陪伴嘅小朋友，究竟會對小朋友有啲咩實質嘅影響呢？
1. 兒童情緒問題
兒童心理嘅複雜程度絕對唔會比成人低，小朋友唯一嘅傾訴對象係家長。如果家長因為工作，或者自己情緒問題而選擇忽視小朋友嘅需要，好可能會導致小朋友覺得自己不被愛及缺乏安全感，繼而產生情緒問題。（推薦閱讀：【君子養成路】將近青春期 留意6點 助孩子茁壯成長）
2. 學業成績變差
教育心理學研究發現，家長有冇喺早年，特別係小學期間，幫助跟進小朋友嘅學業同小朋友日後嘅發展係有着緊密關係。家長如果冇放足夠嘅時間去跟進小朋友嘅功課，好大可能會令小朋友嘅學術成長比其他同學遲緩。（推薦閱讀：【教育貼士】明明有努力溫習 成績還是未如理想？）
3. 依賴電子產品傾向
現今世代科技發達，小朋友初次接觸智能電話嘅年齡越來越細，大部份孩子小學時已經擁有自己嘅電話。如果小朋友冇父母去傾訴，好大程度上令佢地使用電話嘅頻率變高，日後小朋友嘅同理心及溝通能力都會有所下降。（推薦閱讀：【教育心理學】「學好三年，學壞三日」，學好真的那麼難嗎？）
4. 出現負面行為
長期嘅獨孤感、抑鬱會令小朋友出現更多嘅負面行為，例如盜竊、欺凌及暴力傾向。呢啲負面行為會由3歲開始出現，無分性別。（推薦閱讀：【君子養成路】培養一個新的好習慣真的那麼難嗎？）
小君子提提各位家長，父母嘅陪伴對於仔女嘅成長真係好重要！所以記得無論幾忙都好，都要花時間與孩子相處，關心佢哋嘅身心需要。
猜你還喜歡這些內容：
【君子養成路】與別人家的孩子比較可以激勵子女 ？分分鐘適得其反