小朋友成日要留喺屋企唔知做乜好，冇得出街冇晒親子活動咁？不如試下同小朋友一齊做下STEAM嘅手工，一路玩一路培養佢地嘅思考能力同埋創意。

1.幾何繞線畫

材料：一塊木板，幾十粒釘子，幾條綿繩

做法：首先家長可以先將釘打入木板，然後再邀請小朋友發揮佢地嘅創意，，將綿繩繞過釘，形成唔同嘅形狀，家長可以先同小朋友由各種幾何圖形入手，再鼓勵佢地同唔同繩繞出一幅畫。

2.牙籤3D圖形

材料：一大把牙籤，泥膠

做法：先取出兩粒球狀嘅細呢膠，然後將牙籤嘅兩端都插入去，再駁住其他牙籤，形成各種立體圖形，而且家長都可以趁機考小朋友一啲關於圖形嘅基礎觀念。

3.戳戳繡

材料：一支戳戳繡筆，幾條絲線，一塊布

做法：先將絲線入落戳戳繡筆入面，然後用筆戳戳戳，絲線就會繡出嚟，小朋友可以發揮創意，繡出自己想要嘅圖案，甚至可以攞嚟做自己嘅手巾仔添！

4.禪繞畫

材料：一支鉛筆，一張白紙

做法：先係白紙上畫出一個正方形，呢個正方形就係小朋友嘅發揮空間，小朋友可以用筆喺上畫出任何一線或者係形狀，然後不斷重覆形狀，直至畫出圖案。

5.簡易馬賽克

材料：幾張顏色紙，膠水，一張白紙

做法： 將唔同顏色紙撕成唔同形狀、大小嘅碎片，再用膠水將顏色發揮創意將碎紙拼湊成為唔同嘅圖案。